Mohammed Shami, team India pacer, pora Jammu and Kashmir laga Pulwama district te biya pora hamla korikena mora Central Reserve Police Force (CRPF) personnel khan laga ghor manu khan ke poisa dise. Etu 28-saal Shami pora koise, ketiya tai khan desh laga naam loikena kheliye tai khan pora borders te raksha koriye. “Ketiya moi khan laga desh karne kheliye, tai khan borders te khara korikena raksha koriye. Moi khan laga jawan khan laga ghor manu logote eki logote ase, tai khan nimite moi khan hotai thakibo,” Shami pora kowa kotha ANI pora khobor korise.
Thursday te, team India opener Shikhar Dhawan pora koise ki CRPF sepahi laga ghor manu khan ke tai pora poisa dibo. Dhawan pora Twitter te jaikena ekta mon bekha laga video post korikena tai laga fans aro pura India manu khan ke aage te ahikena mori jowa sepahi laga ghor manu modot koribole koise.
Pohoila, Virender Sehwag pora Pulwama hamla te moriya sob sepahi laga bacha khan laga education ke tai pora sai dibo koise.
Etu purana Indian cricketer pora Twitter te jaikena koise ki moriya jowa sepahi laga bacha khan laga education ke sabole toh tai pora besi khusi pora sai dibo koise.
Etu hamla laga khobor ola bicche te, desh aro pura duniya te mon bekha laga kotha koise.
Team India skipper Virat Kohli, Sachin Tendulkar, Hardik Pandya, Rohit Sharma, VVS Laxman, Suresh Raina aro Mohammed Kaif khan pora bi Twitter te jaikena etu hamla ke bodnam korise aro moriya sepahi laga ghor manu khan ke mon bekha janai dise.
Add Comment