Imphal, December 11 : Manipur State Commission for Women (MSCW) chairperson Salam Ulka para Sunday din te koisey ki rajya te maiki khan laga against te crime tu barikina jai asey.
Tai para sob manu khan ke enaka jurum ke khotom kuridibole nimitey effort dhalibole appeal kurisey.
Etu appeal(request) tu MSCW para December 5 te, ekjun housewife Shijagurumayum (Ongbi) Romita Devi kun Roni nohoilebi Nanao koikina bi jana jai, tai murija laga connection te, Imphal East laga Superintendent of Police para ekta status report manga picheyte kora laga asey.
Etu murija maiki ke Khongman Zone II te thaka tailaga mota Shijagurumayum Bidyananda nohoilebi Bubu Sharma laga ghor te hang kurikina thaka paisey.
Manipur State Rural Livelihood Mission para Sunday din te Imphal West laga Luwangshangbam community hall te Commission laga sponsorship laga under te organise kora “Eliminating Gender-Based Violence” programme te Chief guest hoikina, Ulka para zimidar manu khan ke maiki khan laga khilaf te atyachar huwa tu hataidibole nimitey ekey logotey milikina kaam kuribole koisey.
Tai para apsoos kurikina koisey ki Manipur te maiki khan laga khilaf te atyachar kora te gao mangso, poisa aro dimag para atyachar kora bi shamil asey.
MSCW para September 2022 para etya tak maiki khan laga against te jurum kora logotey jurikina thaka 60 case register kurisey.
Etu case majotey 5ta case tu Central Bureau of Investigation (CBI) laga haath te agey enquiry kuribole nimitey disey.
Add Comment