Nagaon & Cachar paper mills employees ke quarters kali kuriboli koishe

GUWAHATI: Hindustan Paper Corporation (HPC) authorities para Assam laga tuita(2) paper mills laga employees khan laga residential quarters toh vacate koriboli notice issued korishe. Notice te koishe ke, HPC liquidator Kuldeep Verma para Cachar Paper Mill aro Nagaon Paper Mill laga employees khan ke quarters toh 15 din pithor te vacate koriboli janaishe. Notice te aro koishe ke, kaun khan para etu order toh namanibo, etu manu khan oper te legal action loboli koishe. “tui khan laga employment toh Corporate debtor logo kotom howa nemite 02.05.2019 aro etu akhe superannuation/resignation/death nahoile termination toh Corporate debtor service logot howa nemite tui khan para accommodation/quarters loikena thaka toh unauthorized ase etu nemite vacate koriboli janai ase,” koikena notification te koishe. Cachar Paper Mill’s employees laga salaries toh 57 moina napaikena ase aro Nagaon Paper Mill employees toh 55 moina napaikena ase koishe. Etu kam toh paper mill beka samai “maximum value” nemite ase, etu nemite land aro building  toh vacate koriboli lage koishe. Etu kam toh 2019 saal te National Company Law Tribunal para liquidation order kora samai soruh kora ase koishe.