O.N.E India Award 2018 te Governor Acharya

DIMAPUR, NOVEMBER 28 : Nagaland Governor, Shri PB Acharya pora Veteran Social Activist, Shri Aribam Brajkumar Sharma ke My Home India laga “O.N.E. India Award 2018” dedese. Kele tai Culture, Education aro Tribal Welfare nemite bhal te kam julai kena ahkete aha karne. Aro etu Award dediya toh Mumbai, 26^th November 2018 te Function thaka time te dedese koise. Etu Award Ceremony te kotha kurikena Chief Guest nemite aha Nagaland Governor pora My Home India ekta National NGO kan ami kan desh laga manu sob Northeast India manu logot eke pora shant, morom aro bhal te ahkete anedebole kurikena etu Award din toh 13 sal boila porahi manabole kuri kena aha karne besi khushi baa aro salam diya janaise. Kele etu porahi ami kan Northeastern States laga manu kan ke ami kan desh laga tusera states manu kan eke pora melekena ahkete ahebole aro anedebole kura karne. Aro etu porahi Northeastern States kan ke ami kan desh logot ekta nemite hi anediya nesena laga huijai ase koi kena janaise.Governor Acharya porabi NAMASTE NORTH EAST states laga bhal janaide thakise. Etubi ami kan desh sob jaka te ahkete anedebole karne hi etu NAMASTE North East states kan ahkete ahe ase koi kena. Tai bi ami kan North East region toh ami kan desh laga sob states logot compete kurikena ahkete ahebole bara laga ekta ase koi kena janaise. Etu oporte tai bi 3 Es kan kobi Education, Electricity aro Employment kan laga bhal kotha kan janaide thakise. Etu ke tai India desh laga sob states kan Develop huilehi toh India desh toh ekta kathara desh hobole ase koi kena janaise.Etu din te Award nemite poisa 1 lakh aro memento dedese. Aro etu din te Minister for Housing, Government of Maharashtra, Shri Prakash Mehta bi Guest of Honour nemite ahe kena thakise. Aro etu oporte Harish Shetty, Secretary, My Home India; Mohit Kamboji, President Yuva Morcha, Maharashtra aro Sunil Deodhar, Founder aro National Secretary, My Home India kan bi etu din te ahe kena thakise koise.