Agencies: Wednesday te senior Gulf tournament organizer koishe FIFA para ahibole thaka 2022 World Cup te 48-Teams laga decision toh host desh Qatar laga monjuri para he hubo. Nasser al-Khater, Doha te journalist khan ke kotha kora samay te koishe etiya nimite desh toh teen saal laga samay te 32-team tournament nimite he jaga banai ase.
Nasser al-Khater koishe ke decision bhi Qatar laga mojuri nathaki kena nohubo. Ami khan feasibility study laga result rukhi ase. Ekbar FIFA taiyar hoile etu 48-teams laga kotha toh paribo na naparibo etu laga jawab FIFA ami khan de dibo.
FIFA toh 2022 laga World Cup te 16 teams uthabole study kuri ase. Aro March te FIFA laga final decision de dibo.
Jua moina FIFA president Gianni Infantino koishe Doha te “majority” football federations khan teams uthabole support kuri ase.
Tournament extend kuribole laga ke decision bhi dangor logistical aro political problems para lok kuribo.
Qatar World Cup toh Middle East laga first hubole ase. Etu toh Noverber aro December 2022 te 28 din nimite hubole ase. Etu toh usual 32 din nimite nohubo.
World Cup te 48-team toh 2026 para norm hoijabo. Etu toh ketiya World Cup toh USA, Mexico aro Canada para host kuribo.
Add Comment