Paris, 26 July : Paris Olympics 2024 laga Opening Ceremony toh French capital laga Seine River dey thakiboley asey. Agey par karney, itu opening ceremony toh ekta stadium laga bahar dey thakibo, kitia Paris laga sheher ke ekta grand arena nishna panai diwo. 10,500 athletes khan Seine dey ahiwo, aro India karney tuita representatives toh veteran table tennis star Achanta Sharath Kamal aro shuttler PV Sindhu asey. Itu Opening Ceremony t9h 11 PM IST (7:30 PM local time) dey shuru huwoley asey. Itu parade dey 206 National Olympic Committees (NOCs) ke represent kuria majority nijor karney boats thakibo, kitia chutu wala khan boats share kuribo. Itu boats toh cameras equipped thakibo, television aro online viewers khan athletes ke osor para sawoley pariboley. Itu boat parade toh Trocadero dey ekta 6-kilometre route cover kuria piche dey khotom huwo. Olympics’ official website laga hisab dey, itu opening ceremony toh agey par karney paria tak bishi manu karney khula asey. Eighty giant screens aro strategically placed speakers para sob manu itu show laga magical atmosphere enjoy kuriboley paeibo kuntu French capital dey khilibo. Olympic Games Paris 2024 karney itu Opening Ceremony toh Games history dey sobse dangor huwo. Itu toh sob manu karney khula thakibo : Paris aro itu region laga residents, pura France aro duniya para sob visitors karney. Kunwa reports hisab dey, singers Celine Dion aro Lady Gaga perform kuribo parey. French-Malian R&B star Aya Nakamura bhu itu star-studded line-up laga part huwo nishna asey.
Paris Olympics 2024 Opening Ceremony
