Paris, 23 July : PV Sindhu toh 49 Indian athletes maju dey thakishey, pura archery, table tennis aro hockey teams milaina, kun Games Village dey ahiwoley asey, Paris Olympics dey participate kuriboley, kuntu July 26 dey shuru huwoley asey. Kitia 39 athletes, eight-member table tennis team aro 19-member Indian men’s hockey team milaina, French capital pahunjishey, Olympics karney qualify hua 21 para 10 shooters, Chateauroux pahunjishey. Archery team laga sob six members, tuita tennis khiladi, ekta shuttler, ekta rower aro tuita swimmers milaina City of Lights pahunjishey. 117 athletes, 70 mota aro 47 mahila milaina, India ke Paris Olympics dey represent kuribo. Taikhan 95 medals karney 69 events dey participate kuribo. Tatey 140-strong support staff bhi thakibo, kuntu para itu ke ekta 257-member contingent kuri diwo. Tokyo Olympics dey, India ke ekta 119-member contingent para represent kurishey, aro itu desh paea seven medal laga sobse bhaal performance dishey, historic javelin throw gold milaina kuntu Neeraj Chopra para jitishey. Chopra toh Paris dey tai laga gold medal ke defend kuribo.
Paris Olympics: 49 Indian Athletes Games Village dey ahiwo
