Peren, 08 May: Monthly Peren District Planning and Development Board meeting toh May nemite Dy. CM and Chairman DPDB Peren, T.R Zeliang laga Chairmanship under te DC’s Conference Hall, Peren jaga te 6th May 2023 te loise.
Board para pola lag meeting te fesla lowa laga ekta brief review toh lowa thakise. Etu bechae te, meeting toh district agenda te monsoon preparedness te kotha kora thakise. EE Urban Development, EE PWD (R&B), EE Power, Dy. CMO and ADS (F&CS) para house te certain areas te major challenges opor te olop koise. Etu toh monsoon samai te respective department para lok powa opor te. Besi feedback aro positive inputs toh rakha thakise aro kotha kora thakise members majote. Chairman para be concerned department te issues highlight kora te note lobole aro tai khan ke advance te extensive preparations bonabole koise.
Poilwa Namzidang Village laga recognition nemite proposal toh Board laga members ke EAC Ngwalwa, Imtinungla Longkumer para kowa thakise. Board para proposal toh Government te agae pothabole manishe.
Meeting te, ekta brief presentation toh topic ‘Nikshay Mitra’ te DPO UIP/RCH, Dr. Kiholi Assumi para deya thakise aro ekta departmental activity be Department of Forest para present kora thakise.
Meeting te kotha kora tusara agenda toh departments para schools laga adoption aro Jalukie Town te road dividers te thakise.
Add Comment