KAJALGAON: Assam minister Pijush Hazarika aro Chief Executive Member (CEM) of Bodoland Territorial Council (BTC) Pramod Boro para loikena Chirang district, Bijni sub-division te flood howa jaga te jaikena visit korishe. Soruh kora samai tai Sanyasiguri, Chirang district te relief camp visit korishe aro duhk te thakai manuh logot kotha korishe. Pijush Hazarika aro Chirang district administration para arrangements kori thaka toh saikena etu samai itya lakai laga saman pongchaise aro etu oper te food, water aro medical services thishe. Tai para aro relief saman toh manuh khan logot bakh korikena districts te floods aro erosion para pachikena thakibo nemite kam koribo koishe. Minister Pijush Hazarika para aro Kujrabguri bosti te jaikena visit kora samai DRDA te dam bonaikena thaka toh paani para beya hoikena thaka toh thikishe. Tai para aro Shisubari bosti te paani para dukh howa jaga toh saishe, etu jaga toh Chirang district te Makra River ase aro halat toh saboli koishe. Kujrabguri bosti aro Shisubari bosti te flood para jaga besi tangor beya howa nemite Pijush Hazarika para besi mon dukh ase thakishe. Hazarika para janaishe ke, floods para beya korikena thaka jaga toh joldi te water resources department para kam koriboli janaishe. Sidli MLA – Jayanta Basumatary, Bijni MLA – Ajay Kumar Ray, BTC executive members – Ukhil Mushahary and Dhanjay Basumatary, Chirang deputy commissioner – Narendra Kumar Shah, additional deputy commissioner aro sub-divisional officer – Dibakar Nath, toh Assam minister para district visit kora samai thakishe.
Pijush Hazarika para flood jaga visit korishe
