New Delhi, 24 October : Congress General Secretary Jairam Ramesh para Tuesday dey Prime Minister Narendra Modi ke aarop lagaishey Manipur dey tai laga intervention bishi lagi thakia homoi dey tai chari dia karoney state dey ethnic clashes hua dey kuina kuntu May dey ulaishey.
Tai agey kuishey kiPrime Minister toh accountability aro responsibility para pulawo naparibo itu crisis ke pura puri ignore kurina.
“Manipur laga manu khan aro pura Northeast toh sai asey kinika prime minister para Manipur laga state ke chari dishey kitia tai laga intervention aro outreach toh sobse bishi lagi thakishey,” Ramesh kuishey ekta video message X dey share kurina.
Ramesh para kunwa sawaal uthaishey Prime Minister laga “lack of action” upar dey.
Tai para sawaal kurishey kiley Prime Minister para Manipur laga Chief Minister logot log painai aro state laga MLAs ke ekect kurishey, ekta dangor majority kun toh tai kaga party laga asey.
Aro, Ramesh para Prime Minister ke criticize kurishey Manipur laga haalat laga kunwa minute logot bishi publicly address nakuria karoney, aro itu bhi opposition para bishi pressure dia piche dey hi. Tai para aro sawaal kurishey kiley Prime Minister, tai hotai pirai thakia karoney jania toh, Tai laga jinta dikhawokey Manipur dey olob gondha karoney bhi jaa nai.
Congress toh Modi government para itu Manipur crisis ke handle kuria dey critical asey aro Chief Minister N Biren Singh ke namai diwoley demand kuri asey, taike itu halaat control kuriboley naparia laga aarop lagaishey.
Add Comment