India, 16 March : Indian men laga hockey team goalkeeper PR Sreejesh itia karney tai laga future predict kuribo mun nai aro Paris Olympics piche dey tai laga retirement luwo huilewi itu veteran custodian toh 2036 tak dey national side laga chief coach huwo mun asey. Sreejesh, kun itu saal tai laga fourth Olympics dey feature kuribo, bisas kuriboley maana kurishey ki Paris dey ahi thakia edition toh sporting extravaganza dey tai laga last outing huwo parey. Tai optimistic aseh huilewi kuishey ki tai ekbar quit kuriley, tai khel ke ekta raasta nahuiley alag para wapis diwo mun asey.
Sreejesh, kun national team ke 2016 Rio Olympics dey captain kurishey, Tokyo Games dey India laga historic bronze medal-jitia feat dey ekbar dangor role khilishey aro bisas asey ki itia laga side toh Paris dey bhaal wala results aniwoley potential asey.
Renowned mental conditioning coach Paddy Upton, kun Hangzhou Asian Games laga squad dey thakishey, itu indian khiladi logot Olympics tak jawoley dey kaam kuribo aro Paris dey bhi thakibo, ekta fact kuntu chief coach Craig Fulton para confirm kurishey.
Aro Sreejesh lagey ki Upton laga presence toh khiladi khan karney “mental confusion” logot deal kuriboley bishi dangor motut huwo.
