Original Firestarter, Keith Flint toh Band nabona laga ake te ashol toh The Prodigy te Nachiya manu dhakise.
Breathe aro Out Of Space aro Firestarter be milai kena band khan logot te bishi hit dhakiya star toh, Essex tai laga khor te aji morning paise. Band pora statement te koise: “Moi khan laga bhai aro ushor dost Keith Flint laga mura khobor huni bole toh ektam mondukh aro asurat ase. “Ektam pioneer, innovator aro legend manu.Tai ke hodai karne yad kuribo.
“Abni khan pora enika somoy te sob privacy ke samman kura karne bishi khushi pai ase.”
Flint mura laga malob toh etya tok najaney.
Essex laga kodha kura police pora koise: ” Monday March 4 ke 8.10am te Brook Hill, North End laga jaga ke etu manu phal hobole nimete karne madise.
“Moi khan binjise aro dukhi kodha ki 49 umar manu toh muri kena dhakise. Tai laga duara khor manu ke inform kuri dise.
“Etu mura ke toh phal pora suspect toh kura nai aro file toh tai laga kam jula manu karne dyar kuribo.”
East England Ambulance kodha kura maiki pora koise: ” Brook Hill, Dunmow te 8.08am ke moikhan ke hosh nadhaka manu laga khobor di kena madise.
“Hoile be etu manu toh dukh kodha ase ki muri jaise.”
The Prodigy tai khan laga pohila Experience aro Music For The Jilted Generation tweita album pora top 10 single Charly, Out Of Space, No Good (Start The Dance) aro Poison khan milai kena 1990s te bishi hit kuri kena ulaise.
Flint toh tai khan ken am diya laga kam Firestarter aro Breathe –tai khan laga third album pora singles, The Fat Of The Land,khan band logot te nakura ake te toh tai nachiya manu dhakise.
Ektam bishi bikha bole pari kena kena twei singles aro album be top charts te bonjise.
The Chemical Brothers laga Ed Simons be mondukh janai diya laga major te ase,aro tweet kurise: “Asurat, Keith Flint laga khobor hunibole bishi mondukhi ase,tai toh hodai ektam hashi dhamali phal manu dhakise aro moikhan pohila eksat show kuribole suru howa somoy te tai toh Tom moijun logot bishi phal pora dhakise .. Phal manu.” Electronic music duo Chase aro Status, The Prodigy logot festival bills eksat maniya khan pora tweet kurise: “@the_prodigy laga Keith Flint laga enika mura laga khobor huniya toh ektam mon biya aro mon dukh laga kodha dhakise.
“Ami khan laga phabna aro mon dukh toh tai laga sob sadhi khan aro khor manu khan logot te ase. Tai khan pora bona jivan botli aro kamiyab aro Keith karne howa nai koile moi khan yade nadhakibole Dhaka ase. RIP.”
Add Comment