PARIS (AP) Sunday te Lyon para PSG ke 2-1 para harai dishe. Paris Saint-Germain toh etu season laga French league te 20-game nahari kena thakishe.
PSG toh etu season te teen bar harishe. Etu te PSG khan Champions League te Liverpool laga khliaf te harishe aro League Cup te Guingamp te home match harishe. Jua season te Rennes logote 2-0 para hara pichete, etu toh PSG khan laga first home defeat ase.
Etu match toh harile bhi PSG toh second-placed te thaka Lille para 10 points para lead kuri ase. PSG khan lille para duita match komti kheli kena ase. Hoile bhi French League te second place te season khotom kuribole aro Champions League te qualify kuribole nimite Lyon khan nimite Etu jeet toh bishi dangor boost hoishe. Lyon toh Lille para teen poins nichet ase. League te etiya 15 matches bachi kena ase.
Duita goalkeepers bhi French League nimite bishi dangor naam anishe. France laga top club PSG laga keeper toh rarely test kure hoile bhi PSG laga defence toh etu bar tai khan laga kaam toh pura kuribole para nai. Manchester United coach Ole Gunnar Solskjaer bhi etu match sabole ahi kena thakishe.
Champions League laga first league te United side para PSG ke tai khan laga first leg match nimite hosts kuribole ase. Etu match toh February 12 te hubole ase. Solskjaer toh formation laga back te problems khan toh dekhi kena thakibo. PSG goalkeeper Alphonse Areola toh game laga first half te choita save kurishe.
France forward Nabil Fekir para 49th minute te penalty mari kena Lyon ke match te jeetai dishe.
Add Comment