France, 8 March : India laga ace shuttler PV Sindhu para USA laga Beiwen Zhang ke BWF French Open 2024 laga second round dey 13-21, 21-10, 21-14 haraishey Thursday dey. PV Sindhu, para Wednesday dey Michelle Li of Canada ke haraishey, Paris laga Arena Porte de la Chapelle dry first khel dey pura puri harishey. Huilewi, itu two-time Olympic medalist para second khel dey tai laga performance uthaishey. Dey dey ekta 11-7 lead logot jaina, world No. 11 Sindhu para ekta incredible eight-point lead luwo parishey aro itu khel handily jitiwo parishey.
Decider dey, Zhang, duniya dey ranked 10th, tuita powerful smashes kurina ekta early 4-2 lead luishey. Sindhu, alag haat dey, itu score 5-5 dey eki kuri dishey ekta 34-shot rally jitia piche dey aro momentum dey thakina itu match 55 minutes pitor dey jitishey.
“Juti mui agey khel haarishey, mui phabna dey mui hope harianai, aro mui wapis ladai kuri thakishey. Second aro third khel dey, mui nijor laga galti control kuriboley kosis kurishey aro mui shuttle toh court dey rakhishey. Kitia tuike Kiba ekta bishi matter kurey itu homoi tui hotai bhaal para perform kuriboley muun thakey, juti itu toh khel khotom huwoley homoi asey nahuiley Olympics laga tournament nishna,” PV Sindhu para match piche dey kuishey kuntu Olympics.com para quote kurishey.
Itu 28-saal laga last BWF quarter-final appearance toh jaa saal October mahina dey Denmark Open dey thakishey.
Sindhu toh itia People’s Republic of China laga Olympic champion Chen Yufei ke defend kuriboley focus kuribo. Itu Indian shuttler ekta 6-5 head-to-head record asey Yufei laga khilaf, itia laga world number two.
