New Delhi, 7 April : Dhurandhar: The Revenge, juntu Aditya Dhar laga spy thriller ase, third Monday te strong performance dikhai box office te steady thakise. Ranveer Singh lead kora itu film Hindi cinema history te first ₹1000 crore net cross koria film hoise India te.
Report hisaab te, film third Monday te ₹10 crore collect korise, total domestic collection ₹1,023.77 crore kamaishey. First week te ₹674.17 crore aru second week te ₹263.65 crore uthaise. Weekend te bhi growth dikhaise—Friday ₹21.55 crore, Saturday ₹25.65 crore aru Sunday ₹28.75 crore collect korise. Worldwide te 18 din ₹1600 crore cross kori dise.
Sara Arjun recently behind-the-scenes photos share kori ase Ranveer Singh aru Aditya Dhar logot shooting time pora.
Film tu Aditya Dhar direct aru produce korise Jio Studios aru B62 Studios logot. Cast te Arjun Rampal, Sanjay Dutt, R. Madhavan aru bishi ase.
Story tu ekta Indian spy (Ranveer) upor base kori ase, juntu IB director (Madhavan) logot ekta anti-terror mission te Pakistan te jaise. Film te real-life events jemon Kandahar hijacking aru 2008 Mumbai attacks bhi include korise.
Itu film ke “propaganda” kuina mixed reviews paise, kintu box office te etiya bhi bisi bhal performance kori ase.
Add Comment