Nagpur, 11 April : Ranveer Singh etiya Dhurandhar: The Revenge laga success enjoy kori ase, juntu box office te records break kori aru fourth week te strong run kori ase.
Latest reports hisab te, Ranveer Nagpur jai Rashtriya Swayamsevak Sangh founder K. B. Hedgewar aru tai laga successor M. S. Golwalkar ke tribute disey. Tai Dr Hedgewar Smruti Mandir te visit korise, kot te RSS representatives tai ke organisation laga history aru importance explain kori dise. Report hisab te, Ranveer Mohan Bhagwat logot bhi meet korise, kot te tai laga film aru RSS laga activities kotha patise.
Social media te tai airport pora ulai ahise photo viral hoise, kot te fans khan tai laga white kurta look notice kori aru praise kori ase.
Career side te, Ranveer next Pralay te dikhabo, juntu ekta post-apocalyptic zombie world te set ase. Film tu Jai Mehta direct koribo, kun Scam 1992: The Harshad Mehta Story co-direct kori thakise nijor baba Hansal Mehta logot.
“Dhurandhar 2” spy action thriller te Ranveer laga character Jaskirat Singh Rangi pora Hamza Ali Mazari howa journey dikhaise, juntu Lyari underworld aru political structure majot uthi ekta kingpin hoi jaise, aru Pakistan te terror network dismantle koribo mission loi ase. Film tu Kandahar plane hijack, 2001 Parliament Attack aru 26/11 Mumbai attacks nisina events background te revolve kore.
Film te Arjun Rampal logot intense face-off ase, aru R. Madhavan, Sanjay Dutt, Rakesh Bedi, Sara Arjun aru Danish Pandor bhi cast te ase. Yami Gautam cameo te appear kori ase.
“Dhurandhar 2” Bollywood history te first film hoise juntu India te ₹1000 crore cross kori dise.
Add Comment