France, 5 March : Satwiksairaj Rankireddy aro Chirag Shetty laga Star Indian pair French Open Super 750 badminton tournament laga second round dey ekta hard-fought straight-game jeet logot agey jaishey, Malaysia laga Ong Yew Sin aro Teo Ee Yi laga khilaf Paris dey Tuesday. Satwik aro Chirag, world no. 1 rank huina, 2022 dey itu title luishey. Itu Asian Games champions Tuesday dey itu tournament bhaal para shuru kurishey, world no. 12 Malaysian ke combination 21-13 24-22 para 47 minutes dey haraina taikhan laga fifth jeet karney last 8 meetings dey.
Satwik aro Chirag, kun taikhan laga last three tournaments dey second best khotom huishey, alag Malaysian pair Man Wei Chong aro Kai Wun Tee ke ahia round dey samna kuribo.
Commonwealth Games bronze medallists Treesa Jolly aro Gayatri Gopichand bhi Ashwini Ponnappa aro Tanisha Crasto laga khilaf ekta 16-21 21-19 21-17 jeet luina second round dey jaishey ekta all-Indian opening match dey, mahila laga doubles dey.
Itu tuita pairs toh Paris Olympics karney qualify huwoley ladai kuri asey. Kitia Olympic Games qualification ranking dey Tanisha-Ashwini toh 11th dey rank huina asey, Treesa-Gayatri toh 14th spot dey asey.
Treesa aro Gayatri toh red-hot form dey asey, Badminton Asia Team Championships dey Indian mahila laga side epic jeet dey ekta dangor role khilia piche dey, Shah Alam, Malaysia dey jaa mahina.
