Gangtok, December 6 : Citizen Action Party- Sikkim (CAP) tu Election Commission of India logotey register hoisey.
CAP , kuntu etu saal laga January 26 te bana nutun rajneetik party asey etu para February 21 te political(rajneetik) party laga registration nimitey application submit kurisiley.
Agey barikina CAP para taikhan laga registration tu Representation of Peoples Act, 1951 laga section 29a under te Election Commission of India laga taraf para paisey.
Etu party laga registration number tu 56/062/2023 PPS-IV 1951 asey.
Etu party tu officially Republic Day din te launch hoisiley aro SDF leader Ganesh Rai para South Sikkim te thaka Melli koikina jaga te etu party ke launch kurisey. Ganesh Rai, kun ekta Chief Coordinator asey ati para announce kurisey ki CAP para Election Commission of India logotey registration process suru kurisey.
Etu Citizen Action Party para party laga naam te ‘Sikkim’ nathaka nimitey etu tu rajya laga dusra rajneetik party khan para alag hoijaisey. Rai para samjhaisey ki Sikkim laga essence tu taikhan laga khoon aro DNA te dohri asey.
