Sikkim te assembly election campaigning chola majo tey  pre-poll violence

Gangtok, April 15 : Sikkim ke aro ekta election-related ghotna para hilai kina rakhidisey. Kuntu te badmash khan para opposition Sikkin Democratic Front (SDF) Syari assembly constituency candidate Tenzing Norbu Lamtha logotey jurikina thaka ekta gari ke target kurisey. Etu attack tu Sunday(April 14) laga shaam te hoisey, kuntu te ekjun SDF worker jokhom hoisey.  Reports hisap te, Sikkim laga Syari assembly constituency te SDF party workers laga official campaigning nimitey chola gari ke barbad kuridisey. Etu ghotna para etya chuli thaka electoral campaign ke gherikina thaka jhamila ke baraidisey.  Bari thaka larayi jhagra aro poisa khela laga iljam laga la jawab te, Citizen Action Party (CAP) Sikkim para etu situation ke biya para condemn kurikina rajya te electoral process laga integrity ke bachaikina rakhibole nimitey decisive action lobole demand kurisey. April 11 te, CAP Sikkim’s election campaigning committee laga Chairman LP Kafley para media ke kotha kora homoitey, tatey model code of conduct jag ate thaka laga bawajut bi political violence(rajneetik gondogol) barija laga opor te chinta jataisey.  Kafley para Sikkim laga alag alag jaga para gondogol huwa laga report highlight kurisey aro vote dhala manu khan ke influence kuribole aim kurikina rajneetik party khan para poisa bhak kora laga iljam lagaisey. Etu opor te, checkpoint khan te poisa seize kora laga ghotna para election laga result ke olta polta kuribole poisa laga galat istamal kora laga chinta jataisey.