Sipajhar evection drive te police firing te 3 jun morishe

MANGALDOI : Assam, Sipajhar te police para eviction drive samai goole jola te komti hoilebi 3 jun morishe koishe. Etu oper te 8 policemen be larai kora te jokom paishe, etu incident toh locals aro police majot te Sipajhar-Dholpur jaga te, Darrang district administration laga officials para eviction drive nemite pongcha beche thakishe. Thursday pujur te, Darrang district administration logot  armed security personnel loikena Siajhar-Dholpur  jaga pongchise aro eviction drive soruh kora samai locals manu para kelaaf korishe. Etu protest toh besi beya jaishe, demonstrators  para police ke hamla korishe aro dosura district administration officials ke stick aro sharp weapons para hamla korishe. Halat beya howa nemite, police para lathi-charge, hoilebi halat toh control te thakai nai aro hamla korishe, etu nemite police para goole jola te tin(3) jun manuh morishe.Thursday din 500 families neshina etu jaga para hatishe. Monday din te 800 oper familes hatikena ase. Etu samai, etu incident nemite political samil ase koishe. Assam Congress president Bhupen Borah para manu mora oper te mon dukh howa janaishe aro state government ke law & order bhal para najola nemite putnam thishe.