August 26, 2021. All India Congress Committee (AICC) president Sonia Gandhi para Shillong MP & former Union minister Vincent H Pala, ke Meghalaya Pradesh Congress Committee (MPCC) president junishe. Etu khobor toh AICC secretary KC Venugopal para press statement te junaishe. Vincent H Pala para MPCC president Dr Celestine Lyngdoh ke putli korishe. “Congress president para Vincent H Pala ke Meghalaya Pradesh Congress Committee laga president junishe,” koikena Venugopal para statement te janaishe. Congress president Sonia Gandhi para aro tinta(3) party leaders aro tuita(2) MLAs ke Meghalaya Congress laga notun working presidents junishe koishe. Meghalaya Pradesh Congress Committee laga notun working presidents toh former education minister aro East Shillong MLA Ampareen Lyngdoh; Mendipathar MLA Marthon Sangma aro James Lyngdoh ase. “party khan para jai-jawa PCC president Dr Celestine Lyngdoh logot saman korishe,” koikena statement te janaishe. Ampareen Lyngdoh ke All India Congress Committee (AICC) secretary para jodi thishe, koikena Venugopal para statement te janaishe. Rajasthan Congress leader aro former Union minister Sachin Pilot para koishe ke, “Shri Vincent H. Pala ji, logot Meghalaya Pradesh Congress Committee laga notun President juna nemite kushi ase aro ami tai oper te Meghalaya Congress laga notun Working Presidents juna nemite kushi powa janai ase,” koikena tai para koishe.
Sonia Gandhi para Vincent Pala ke nutun Meghalaya Congress president nimete chunishe
