GUWAHATI: Friday din te Sonitpur Police para fake gold sellers’ rackets te operation ekta kamyaab hoishe. Etu operation toh Napam market Tezpur police station pithor te Assam’s Sonitpur district te howa ase. Borghat outpost in-charge, sub-inspector Bhargab Borbora para loikena operation toh thakishe. Etu operation kotom howa samai, police team para fake gold biscuits 1 kg 400 gm neshina thurishe. Etu fake gold biscuits toh Kitab Ali, Kurkani pithor Tezpur police station hath para thurishe, koikena Sonitpur Police para Twitter handle te janaishe. Police para Kitab Ali ke etu case connection te thurishe. Thursday din Sonitpur Police para search operation korikena ganja be thurishe koishe. Sonitpur Police para koishe ke, etu operation toh Md. Abu Hussain aro tai laga bhai Abu Kalam, tai jun toh be Md. Sarfat Ali laga bacha ase aro Amtol Baligaon pithor Dhekiajuli police station, Sonitpur district te thakai manuh ase koishe. Etu operation toh konuba khobor powa nemite korishe aro etu samai Sonitpur Police team para 16 kg 700 gm aro 500 gm ganja toh thurishe koishe.
Sonitpur Police para fake gold racket thurishe
