COLOMBO: Sources koishe ke desh pura te curfew kuri kena thakile bhi mobs para Sri Lankan Muslim mota ke morai dishe. Anti Muslim jhamela toh Sri Lanka capital laga north te thaka teenta districts te hoishe. Etu jhamela toh Easter suicide hamla pichete hoishe.
Police official para AFP ke koishe 45 saal thaka mota ke hospital te admit kuri kena olop samay te muri jaishe. Mota ke Puttalam district laga hospital te murishe. Jhamela toh Sunday te suru hoishe.
Official koishe mobs para tai ke dhar (sharp) saman khan loi kena hamla kurishe. Muslim mota ke tai laga carpentry dukan te marishe. Jhamela para mura etu sob para poila case ase.
Prime Minister Ranil Wickremesinghe koishe curfew toh desh te jhamela hubole nadibole nimite kurishe.
Add Comment