WASHINGTON: Monday te U.S. President Donald Trump para Iran ke chetavni (warning) dishe ke judi tai khan toh US laga interest khilaf te kaam kurile Iran toh ekdam dangor para dhuk pabo. Washington toh Tehran logote jhamela utha samay te aircraft carrieraro bishi jet fighters khan photaishe.
Trump para White House te reporters khan ke koishe ami khan sabo ke Iran logote ke hubo. Judi Iran khan tho eku biya kadam uthaile etu toh tai khan laga sob para dangor golti hubole ase. Strait of Hormuz bahar te thaka Fujairah emirate osor te Sunday din te charta commercial nao (ships) khan opor te hamal hoishe. Etu ghatna pichete Trump para kotah kurishe. Iran toh tai khan nijor ke etu ghatna para alak kuribole lage.
Iran laga U.S. special representative koishe ke Monday te U.S. Secretary of State Mike Pompeo toh tai laga Moscow laga trip toh cancel kursihe. Aro tai toh Brussels te he rukhishe aro European aro NATO officials khan majote Iran logote uthi thaka jhamela laga khobor share kuribole nimite ase.
Add Comment