Chennai, September 06 : Tamil Nadu Governor para rajya laga education system te ekta nutun attack launch kurikina koisey ki education(pora-likha) laga quality ekdam biya thaka para baacha khan ke bekar banaidi asey. Governor RN Ravi para dawa kurisey ki 75% baccha khan tu duita digit thaka number chinbole naparikina asey. Aro koisey ki government school khan te pora aro sikha laga halat tu ekdam biya asey. Tai para etu bi complaint kurisey ki Tamil Nadu laga alag alag jag ate thaka school khan te drugs bhak kora laga dhanda bisi chuli asey
Governor laga etu kotha tu tai Tamil Nadu board laga syllabus ke criticise kurikina etu syllabus tu non-competitive(dusra logotey mukabala te nathaka) aro ekdam biya asey. Tai para enaka koisey, “Government school khan te, pora likha laga quality tu bisi nichey girisey. Etu para amikhan laga desh aro rajya nimitey ekta khatarnak situation banaidisey. Ekta Class 9 student para duita digit thaka number puribole naparey aro 75% student khan naparikina asey. Etu opor te, 405 student khan tu ekta Class 2 laga textbook puribole naparey. Teachers’ Day laga connection te Raj Bhavan te ekta event rakha homoitey, Governor Ravi para etu mamla uthaikina koisey ki Tamil Nadu te education laga foundation tu kamjor hoijaisey aro teaching(student khan ke pora) laga standard tu ekdam nichey girisey, national(pura desh laga) average para bi nichey. Tai para school aro college khan te drugs available thaka laga mamla bi uthaikina koisey ki etu tu ekta bisi serious problem asey. Tai para koisey, ‘Taikhan ke eku restriction nathakikina, degree aro certificate dikina amikhan para taikhan ke job(naukri) pabole laga layak nathaka aro bekar banaidi asey.”Governor Ravi laga etu bayan tu DMK minister Udhayanidhi Stalin para taikey state board syllabus ke criticise kora nimitey mu-tor jawab diya laga ekey din din te ahisey.
Add Comment