‘The Accidental Prime Minister’ Laga Mamla Te Anupam Kher, Akshaye Khanna Laga Khilaf FIR Lekhise

Muzaffarpur Police pora actors Anupam Kher, Akshaye Khanna 12 jun aalag manu khan laga khilaf district court laga aadesh hisabte “The Accidental Prime Minister” laga film logote mili kena FIR lekhise.

Etu FIR toh Kanti police station  te Tuesday te court pora etu mamla loikena January 8 order diya ke namaniya nimite te lekhise.

Kher, Khanna aro 12 jun manu khan FIR te naam diye kena thakiya toh The Accidental Prime Minister film logote mila jula ase, etu film toh purana prime minister Manmohan Singh laga tenure laga kahani ase.

Court pora January 8 te police ke etu actors tweijun aro12 jun aalag mnau khan logote khilaf FIR lekhibole aadesh dise. Etu toh advocate Sudhir Kumar Ojha pora Manmohan Singh aro aalag public figures khan ke bodnam koriye koikena complaint file koriya nimite ase.

Ojha pora koise ki tai February 4 te police pora court laga order maaniya nai kobo karne Sub-Divisional Judicial Magistrate Saba Alam laga court te jaise.

“Etu te, court pora Kanti police station ke Muzaffarpur senior superintendent of police laga haat pora show-cause notice dise, etu bicche te police pora FIR lekhise,” Ojha pora khobor manu khan ke Wednesday te dise.

Ketiya kotha korise, Senior Superintendent of Police Manoj Kumar pora koise ki etu mamla toh tai pora jaaniya bicche te tai pora police station ke court’s order maanibole aadesh dise.

Police pora IPC sections 295, 153, 153A, 293, 504, 506, 120B aro 34 laga nijete pora FIR lekhise.

Tai laga complaint te, Ojha proa Kher (kon Manmohan Singh karne olai) laga naam dise, aro Akshaye Khanna, kon Singh laga media adviser Sanjaya Baru karne olai, tai laga naam bi dise.

Complaint te lekhikena thakiya aalag naam khan te actors khan kon UPA chairperson Sonia Gandhi, Congress president (etu samoy te national general secretary) Rahul Gandhi, purana prime minister Atal Bihari Vajpayee, tai laga deputy Lal Krishna Advani aro RJD leader Lalu Prasad karne olaise, tai khan thakise.

Etu complaint te producer, director aro etu film te mila aalag dangor manu khan laga naam bi thakise.