Agartala, February 25 : Tripura BJP President Rajib Bhattacharya para Sunday din te koisey ki Congress aro Tipra Motha majotey baat-chit chuli thaka laga rajya laga rajneeti te eku asar hobole nohoi. Kilemaney BJP party tu hodai tayar hoikina thakey.
Friday din te, Tripura Congress leader aro Tipra Motha, kun Opposition party laga principal asey, taikhan para Agartala te ekta meeting rakhisey.
PM Modi laga Mann Ki Baat picheyte, media logotey kotha kora homoitey, BJP President Bhattacharya para koisey ki tailogotey Congress aro Tipra Motha majotey discussion chuli thaka laga eku jankari nai. Hoilebi etu laga jankari tu media laga through para janisey.
BJP leader para enaka koisey, “Amikhan nimitey eku dangor challenge nai. BJP tu hodai tayar hoikina thakey. Amikhan laga Prime Minister Narendra Modi tu lagatar manu khan laga development aro bhalayi nimitey kaam kuri asey. Etu opor te, double-engine government aro Chief Minister Prof. Dr. Manik Saha khan bi rajya laga manu ke seva kuribole dedicated asey. Olop din ageyte, Chief Minister Manik Saha para sob nimitey ekta health insurance scheme launch kurisiley kuntu te Rs 5 lakh tak laga medical subidha bhak kurisey. Amikhan laga organization tu hodai tayar thakey. Aro amikhan para PM Modi ke duita lotus dibole asey. BJP laga opor te pressure dhalibole laga eku rasta nai. Kilemaney amikhan para olop din ageyte huwa election te dikhisey ki bisi sajish kora laga bawajut bi manu khan para amikhan ke kinaka support kurisey.”
BJP majotey, Tipra Motha logotey eku baat-chit chuli asey na nai koikina huda homoitey, tai para comment kuribole mana kurisey aro koisey ki khali top leader khan para hey etu mamla te jankari dibo parey.
Mann Ki Baat laga mamla te, tai para enaka koisey, “Ramnagar te amilaga party worlers khan logotey milikina etu episode huna tu ami laga bhal nasibi asey. PM Modi para samaj laga manu khan nimitey kinaka aro bisi kaam kuribo lagey etu highlight kurisey aro amikhan te inspire kurisey. Tai para samaj te last manu nimitey kaam kuribole laga jarurat aro sarkari subidha dibole laga jarurat janaisey.
Add Comment