India, 28 February : Indian cricket team management para tuita khiladi ke rest kuribo parey – ekta batter aro ekta bowler – England laga khilaf fifth Test match dey workload management nishna Dharamsala starting dey March 7, Cricbuzz laga hisab dey. Indian khan itu five-match series England laga khilaf ekta jeet luina Ranchi Test dey, itu team management khan kunwa key khiladi khan ke rest diwoley sai asey. Huilewi, itu reports para itu cricketers khan laga naam dianai kun khan ke team management aro selectors para consider kuri asey. Itu report para bhi kuisheh ki Jasprit Bumrah toh Dharamsala laga
playing XI dey tai wapis ahiwoley sob taiyar. Itu fast bowler ke Ranchi dey fourth Test match karney resg kurishey T20 World Cup mun dey rakhina.
Itu homoi, KL Rahul para tai laga jokhum karoney England laga khilaf itia chuli thakia series dey jaa three Test matches miss kurishey aro Cricbuzz laga hisab dey, tai Dharamsala dey final khel bhi miss kuribo parey.
Itu dey kuishey ki Rahul toh quadriceps jokhum para pura puri recover kurianai kuntu tai first Test dey huishey aro Board of Control for Cricket in India (BCCI) para taike London dey ekta expert opinion karney pathaishey.
Rahul toh reports hisab dey ’90 per cent’ clear thakishey third Test match khiliboley huile2i team management aro National Cricket Academy (NCA) para itu situation aro sai sawoley faisla kurishey.
Rahul ke India squad dey series laga final three matches karney naam dishey, ekta condition laga upar dey ki tai laga availability toh tai laga recovery upar dey dependent kuribo. India itu five match series dey 3-1 lead kurina, itu selectors khan T20 World Cup mun dey rakhina taike rest kuriboley aro time diwo parey.
