Agencies: Ahi thaka Turkish Women’s Cup 2019 te duita Sikkimese maiki footballers khan khelibole ase. Tai duijon toh desh laga senior maiki team nimite khelibole ase.
Sikkim laga International footballers Lako Phuti Bhutia aro Anju Tamang toh All india Football Federation para desh laga senior maiki team nimite shortlist kurishe. Etu senior maiki maiki khan laga team toh ahi thaka Turkish Women’s Cup 2019 te khelibole ase. Etu tournament toh February 25, 2019 para March 6, 2019 tok khelibole ase.
Wednesday din te football team toh Istanbul/Ankara nimite desh chari kena jai jaishe. Tai khan pre-tournament camp nimite jai kena ase.
Lako Phuti aro Anju Tamang toh West Sikkim para ase. Aro tai duijon bhi Sikkim Football Association senior women football team laga regular members ase.
Sikkim Football Association (SFA) president Menla Ethenpa para duita players khan ke bhi congratulate kurishe. Aro tai duijon bhi India aro state laga naam dangor kuribole nimite 100% dibole akha kuri ase koishe.
Media khobor hesab te Group A te India toh Romania, Uzbekistan aro Turkmenistan logote ase. Aro Group B te France, Jordan, Northern Ireland aro hosts Turkey ase.
Khobor pa hesab te sob teams toh tai khan ekjon-ekjon logote group te khelibole pabo koishe. Aro group laga sob para opor laga teams toh final te jabo.
Matches toh 3rd, 4th slot, 5th aro 6th slot, aro 7th aro 8th places nimite bhi khelibole ase koishe.
Add Comment