Union Defence Minister para Assam-Arunachal te dui din laga visit suru kurisey

Guwahati, October 23 : Union Defence Minister Rajnath Singh tu October 23 te northeast laga rajya Assam aro Arunachal Pradesh te dui din laga visit arambh kurisey,

Assam aro Arunachal Pradesh te dui din laga visit nimitey aha homoitey, Rajnath Singh para Arunachal Pradesh laga Tawang area te duty kuri thaka security team khan ke lok kuribole asey.

Etu ekey jankari Twitter te dikina, Rajnath Singh para koisey, “ Aji, 23^rd October te, ami Assam aro Arunachal Pradesh te dui din laga visit nimitey ola te ami Tezpur te pungchibo. Ami etu jaga visit kora homoitey, ami para etu jaga khan khan te duty kuri thaka sipahi khan logtey baat-chit kuribo aro etu laga agey te thaka area khan ke bi visit kuribo.”

Tai para etu bi koisey, “ Tawang te soldiers khan logotey Dussehra manabole iccha asey.”

Rajnath Singh para September te Arunachal Pradesh  laga Charduar-Tawang te thaka Nechiphu Tunnel ke virtually inaugurate kurisey.

Rajnath Singh para India laga Line of Actual Control (LAC) fale 90 infrastructure(building, rasta aro ki ki subidha khan bana) project dedicate kurisey.

Border Road Organisation (BRO) para India laga Northern aro North-Eastern jaga khan te thaka 10ta Border fale thaka rajya aro union territory te pura puri Rs 2941 crore khorcha kurikina etu sob project banaisey.