Dimapur, 08 July: Governor of Nagaland, P.B. Acharya ke honour kori kena St. Joseph University, Dimapur aro ICFAI University, Dimapur para July 8 direk nejor laga college premises deh felicitation programme loise. Etu toh Governor laga tenure kothom howah nemide ase.
Tuita events deh be Governor para state toh economically gara bonabole laga kotha koise. Tai para state deh natural resources para ashirbat paise koilebe economically komchor ase koise. Universities toh nation laga economy gara kuribole laga ase koikena koise, university para employable youth toh society deh lagi thaga hesab deh olabo lagi. State deh dukhiya sector laga manu khan opor deh monchinda hoi kena Governor koise, fruits of independence toh sob section laga manu khan ke ponja nai. Konbha section para be sob luxery ke enjoy kori ase hoilebi besi phak citizen khan toh nejide ase. Etu toh democracy deh namanibole laga ase. Tai para manu khan ke yaat koraideya toh, democratic aro secular desh deh sob citizen khan ke eki rights ase.
Tai para self centred education, terming educated aro khali pocket money nemide he kaam nakoribole kelaaf korikena hosiyar janaishe. Aro nejor laga tribe, bosti aro nation gara kuribo nemide kaam kuribole koise. Tai para tai laga tenure Governor nemide thaga time deh morom aro respect deya ke thanks janaishe.
Vice chancellor of St. Joseph University para tai laga address deh Governor toh khali phal administrator ekala nahoi kena nurturing younger generation deh meli kena thaga manu ase koise. Tai para Governor ke thanks janaishe university bona ke meli kena thaga aro financial motob kora nemide. Governor ke be tai laga tenure phal para kothom howah nemide congratulate korise.
Vice Chancellor of ICFAI university para be Governor ke thanks janaishe kelay koile university opor deh monchinda howah dekhai deya nemide aro notun initiative nemide inspire kora nemide. Governor ke be phal health aro next assignment nemide wish korise. Etu din toh students para special presentations dekena mark korise.
Add Comment