New Delhi, 28 April : Filmmaker Priyadarshan aru Akshay Kumar laga reunion film Bhooth Bangla audience pora bhal response paisey, joti critics laga review mixed thakise. Film tu India aru worldwide dui jagatey bhi ₹100 crore cross kori disey. Itu milestone tu Wamiqa Gabbi karne khub special ase, karon itu tai laga first ₹100 crore film ase. Tai social media te ekta heartfelt note likhise, gratitude dikhaise.
Wamiqa Gabbi teenager thaka time te Imtiaz Ali laga Jab We Met pora career start korise, juntu te tai Kareena Kapoor Khan laga cousin role kori thakise. Itu pichete tai Love Aaj Kal aru Mausam nisina film te choto role korise, aru 2013 te Sixteen te first lead role paise. Itu pichete tai Punjabi cinema te naam banaise Tu Mera 22 Main Tera 22 pora, juntu te Amrinder Gill aru Honey Singh logote thakise, aru itu hit hoise.
Itu pichete Wamiqa Gabbi alag-alag industry te kam barhai dise – Tamil debut korise Maalai Naerathu Mayakkam logote, aru Malayalam debut kori Godha te Tovino Thomas logote.
Bhooth Bangla, Priyadarshan direct kora, horror-comedy ase juntu te Akshay Kumar lead role te ase, aru Wamiqa Gabbi, Tabu, Rajpal Yadav, Paresh Rawal aru Asrani key role te ase. April 17 te release hoise, aru mixed review thaka pora bhi India te ₹117 crore net aru worldwide ₹188 crore collect kori disey (Sacnilk hisab te). Itu film tu Priyadarshan aru Akshay Kumar laga 10 saal pora reunion ase, hit film nisina Garam Masala, Hera Pheri, Bhagam Bhag aru Bhool Bhulaiyaa pichete.
Bollywood te bhi Wamiqa Gabbi83, Khufiya, Baby John aru Bhool Chuk Maaf nisina film te thakise. Etiya tai next film Pati Patni Aur Woh Do release karne wait kori ase. Itu Mudassar Aziz direct kora romantic comedy ase, aru Ayushmann Khurrana, Rakul Preet Singh aru Sara Ali Khan lead role te ase. Film tu 15 May 2026 te theatre te release hobo.
Add Comment