Wellington:Tuesday din te New Zealand koishe Kane Williamson jokom huwa nimite Bangladesh khilaf te third test khelibole thaka te hissa nolubole pare. New Zealand aro Bangladesh khilaf te khelibole thaka series toh Saturday din te suru hubole ase. Etu toh Christchurch te khelibole ase. Aro etu nimite Kane William son toh Indian Premier League (IPL) te bhi olop samay pichete he jabole paribo.
Coach Gary Stead koishe Captain Williamson toh tai laga kandha (shoulder) te jokom hoishe. Etu toh second test laga sob para poila innings te hoishe. New Zealand khan Bangladesh khan khilaf te kheli thakishe. Etu match toh Wellington te hoishe. Etu match toh Tuesday din te New Zealand khan ekta innings aro baro (12) runs para jeetishe.
Coach Gary Stead koishe ami khan asha kuri as eke tai toh joldi he bhal hoi jabo. Tai toh jokom bhal huwa pichete Christchurch te wapas ahibo aro tate ami khan tai toh khelibole paribo na nai etu ami khan sabole ase.
Add Comment