“Beti Bachao Beti Padhao” ke support korikena 1st Bhandari Sub-Division Departmental sports meet toh 9th February 2019 te khotom hoise. Tate Deputy Commissioner Wokha, Dr. Manazir Jeelani Samoon, IAS special guest thakise. Closing ceremony te kotha koriya samoy te tai pora koise ki sob maiki bacha khan ke ekki moka dibo laage aro maiki bacha khan ke aalag hisab pora nahoi kena bhal pora dangor koribo laage aro tai pora etu ke bi mon diye kena koise ki maiki bacha ke educate koribo laga importance aro society te teenagers bacha bukhiya. Tai pora maiki bacha laga education te pura modot dibole wada korise aro manu khan ke scheme BBBP pabo karne koise. Tai pora Administration aro convener aro organising committee ke Departmental sports meet organise koriya nimite dhanyabad dise.
Pohoila, etu programme toh Chumbeni SDO (Soil) pora chairperson korise aro ADC Bhandari, Tiameren Chang pora welcome address korise. Lily Ngullie APRO pora loikena theme BBBP laga gaana korise.
Adolescents girls club pora bi ekta gaana korise aro Chenirao, SDEO Bhandari pora dhanyabad diya laga kotha korise. Olop thaki kena special guest pora trophy dise. 7th NAP Bn Bhandari pora Volleyball women champion loise, Agri & Allied team Runners up hoise. Tug-of-war champion -Anganwadi worker’s. Football men champion -7th NAP Bn Bhandari. Runners up Engineering team. Sob milai kena 21 Departments etu sports meet te hisa loise.
Add Comment