Agencies: West Sikkim para uthi thaka boxing aspirant toh Manipur te thaka prestigious Mary Kom Boxing Academy te train kuribole nimite select hoishe.
Khobor hesab te Geyzing osor te thaka Yangtey para Dikila Lepcha toh academy te recently join kurishe. Mary Kom Boxing Academy te select huwa Ms Dikila toh Sikkim para poila boxer ase. Mary Kom toh choi bar world champion hoishe.
Academy toh boxers training nimite sob modern facilities thaka sob para poila full-fledged boxing academy ase. Academy toh Langol hills te ase. Academy toh 3.3 acres dangor ase aro capital Imphal para dos (10) km majote ase.
Academy toh Sports Authority of India (SAI) laga Extension Centre bhi ase. Etu toh Mary Kom Regional Boxing Foundation laga hissa ase.
Training chari kena Dikila toh studious student ase aro tai pura-likha toh Manipur para continue kuri kena jabo. Dikila boxing career pursue kuribole Manpur ten a aha agote Sakyong Senior Secondary School te ninth standard te thakishe.
Dikila toh SSB official aro boxing coach Surender Singh logote para traing loi thakishe. Dikila toh academy te select nohuwa agote dui saal para training loi thakishe.
Sakyong school laga principal aro staff para bhi Dikila ke select huwa nimite congratute kurishe aro tai ke best wishes dishe.
Add Comment