Agencies:Jua hafta City para Arsenal aro Everton ke harai dishe. City para Maurizio Sarri laga side (Chelsea) ke game suru huwa laga 25 minute bhitor te charta goal mari dishe.
Man City toh etiya tai khan laga jua panchta home games te 33 goals score kurishe. Etu toh sob competitions melai kena ase. Man City toh season laga sob para silverware uthabole chance ase. Feb 24 te League Cup, Wembley te Chelsea khilaf te aro khelibole ase.
City aro Liverpool, duijon bhi etiya 65 points ase. Hoile bhi City toh etiya bhal goal difference te ase. City khan Liverpool para ekta game bishi kheli kena ase. Third-placed Tottenham Hotspur toh Sunday te Leicester City ke 3-1 para harai dishe. Tottenham etiya panch points para tai khan pichete ase.
Aguero toh saath din agote Arsenal khilaf te hat-trick marishe. Etu hat-trick de kena Alan Shearer laga egarota Premier League hat-tricks record toh barabar kuri dishe. Etiya Aguero toh etu season laga top scorer Liverpool laga Mohamed Salah logote barabar te ase.
Etu defeat toh Chelsea laga 1991 defeat pichete sob para biya ase. 1991 te Chelsea toh Nottingham laga khilaf te 7-0 para harishe. Etu har para Italian Sarri opor te serious questions raise kuribole ase. Chelsea etiya 50 points loi kena sixth position te geri jaishe.
Add Comment