LONDON (AP) World Cup jeeta England goalkeeper Gordon Banks toh 81 years te murishe. Gordon Banks toh Pele laga header block kura nimite bhi jane. Etu block toh football laga history te sob para bhal save hesab te mane.
Tuesdat din te English football club Stoke para Twitter te Banks laga family laga statement post kurishe. English football club Stoke toh Banks laga former teams thakishe.
Twitter te koi kena thakishe Etu toh ami khan nimite bishi apsos para announce kuri ase ke Gordon toh rati te shanty para muri jaishe. Ami khan tai ke marai kena bishi apsos ase hoile bhi ami khan logote tai laga bishi bhal bhal yaad ase. Aro ami khan tai opor te bishi garv (proud) ase. Gordon toh kenika murishe etu opor te eku kuwa nai.
Gordon ke tai laga reflexes nimite jani thakishe. Banks toh English football laga sob para bhal revered players khan majote ekta ase. Gordon para tai laga nijor laga desh te England ke 1966 World Cup jeetibole modot kurishe. Gordon toh etu samay te panchta games khela te khali ekta goal he jabole dishe. Etu toh Wembley Stadium te huwa final te England para West Germany ke 4-2 para harai diya agote hoishe.
Add Comment