KOHIMA, DECEMBER 6 : 19th wala Hornbill Festival laga 6th Din te Sumi Kick Fight kobi “Akikiti” koi kena khel thakise. Etubi Kisama Amphi Theatre te 6th December 2018 te. Etu Akikiti khel toh ekta Martial Art ase. Etu toh ami kan dhenk laga soles (Soles of your feet) pora marikena khela laga ase. Aro etu khel khela time te khali etu Soles porahi motub lobole bari. Aro etu khel te haat julai le kalti (Foul) hisabte lui. Aro etu khel khela toh 1 ta Round te 3-4 minutes hi khele. Aro etu khel te kun nakeri kena uthebole last daak bari etu toh Winner nemite lui koise. Etu Soles pora marikena khela toh ahkete moda kan chakara ula time te chakara rokhabole karne etu nesena Soles pora marikena hi rokhibole kurikena thaka laga ase. Aro etu toh ene ekta kiba nemite hi thaka laga ase. Huilebi edia toh Athletics hisabte khelibole kura huijaise koise.
Etu khel toh bhal te pachai kena ahkete luijabole karne (Promoting and Reviving) hutai sal Sumi laga Thuwuni Festival (Indigenous Games & Sports Olympic) mana time te kheli. Etubi November moina te Pughoboto jaka te. Etu Aphuyemi Akikiti Association toh 22nd April, 2014 te ulabole kurikena ula laga ase. Etubi “Imheh no ikumto” (My Culture my Strength) moto hisabte. Etu Akikiti laga kahani toh “The Sumi Naga” kitab dak kebi lekhe kena ase. Etubi J.H. Hutton pora 1922 te lekhe kena rakha kitab te.
Etu khel te hisha kurikena thaka kan toh Thuwuni Akikiti Championship 2018 laga Junior & Senior Category te Final naam te aha kan ase. Aro etu khel laga Junior Category te 4 ta khel hisabte khelise. Etu ke hisha kurikena thaka kan toh Mughavika, Vika, Puloto Hito kana se. Aro etu khel te cheta kan toh Hito koi kena Chisolimi bosti pora aro Vika koi kena Mukalimi bosti pora thakise. Aro Senior Category te hisha kurikena thaka kan toh Itobo, Shekuto, Itoka aro Aghavito kan thakise. Aro etu ke cheta toh Itoka koi kena Awolimi bosti pora ari Shekuto koi kena Mukalimi bosti pora thakise koise.
Add Comment