Agencies: Mauricio Pochettino koishe aha season te tai Tottenham te thakebo na nai etu opor te kosom dibole napare.
Tottenham manager Pochettino toh Premier League rivals Manchester United aro LaLiga giants Real Madrid logote aha season nimite link te ase.
Pochettino toh Manchester United laga notun manager nimite Link te ase. tai toh former Manchester United Jose Mourinho laga bodoli ahibole bisas kuri ase. Etiya present te Ole Gunnar Solskjaer ke Manchester United laga caretaker manager hesab te appoint kuri kena ase. Ole Gunner Solskjaer toh Manchester United te 2018-19 season khotom nohuwa tok thakibolew ase.
Pochettino toh Tottenham logote May moina te panch saal deal kuri kena thakishe. Aro etu saal May te tai laga panch saal contract pura hubole ase. Pochettino koishe tai Tottenham logote aha season te thakibo na nai etu opor te eku bhi kubole napare.
Pochettino ke Wednesday te Watford khilaf te khelibole thaka match agote etu laga kotha hudishele hoile bhi etu opor te Pochettino para kosom dibole naparibo koishe.
Pochettino koishe etu kotha laga decision toh moi laga chairman laga mood opor te ase, company laga decision opor te ase. Etu toh khali moi laga decision para he nohubo. Tai koishe moi Tottenham logote panch saal laga contract sign kurishe, aro moi etu decision ke respect kure. Hoile bhi etu matlab toh moi Tottenham logote hodai thakibole toh nohoi.
Add Comment