Nk Exclusive

Assam CM Sonowal pora Nagaland Coffee -Exhibition Cum Sale laga inauguration korishe

Assam CM Sarbananda Sonowal pora Kisama te Nagaland Coffee exhibition cum sale laga inauguration kori thaka homoi te lua noksha.
Assam CM Sarbananda Sonowal pora Kisama te Nagaland Coffee exhibition cum sale laga inauguration kori thaka homoi te lua noksha.

Kisama, December 1: Assam Chief Minister Sarbananda Sonowal pora 1st December 2016, Kisama te Nagaland Coffee laga exhibition cum sale laga inauguration kori dikene thakishe. Eitu event te Sonowal logot Nagaland Chief Minister, T.R. Zeliang aru Assam & Nagaland laga cabinet colleagues khan bi thakishe.

Department laga official pora koise, Department pora coffee laga duita variety Arabica aru Robusta ke promote korikene ase. 2014 te Department pora Coffee Board of India logot collaboration korikene Nagaland te coffee laga development shuru korikene thakishe aru eitu laga aim toh manuh khan laga economy ke uplift koribole karone thakishe.

Coffee te health laga bisi laap (benefits) ase, eitu pora apuni ke type II diabetics laga risk pora bachaikene thake, alezheuner disease, dementia parkinson disease etc bi hobole nade.

State te coffee laga production ke promote koribole karone Department pora South Africa laga coffee expert Dr. Pister logot team up korikene ase. Pulping, roasting nisena coffee making laga nana kisim process ke Dr. Pister pora demonstrate korikene thakibo aru world class cappuccino, espresso etc laga preparation bi dikhai dibo.