SYDNEY: Eastern Australia laga popular tourist Island te dingo para chutu chokora opor te dingo para hamla kurishe. Chokora laga baba koishe etu jonguli kutha khan toh khun lagi thakishe koishe.
Etu bacha opor te Saturday te jonguli kotha khan para hamla kurishe. Khobor hesab te bacha laga condition toh etiya bhal ase. Bacha laga umar toh choi saal ase. Bacha aro tai laga family toh Queensland state coast laga World Heritage-listed Fraser Island te trip nimite ahi kena thakishe. RACQ LifeFlight Rescue spokesman Dan Leggat statement te koishe family toh pani khela kothom huwa pichete bacha para koishe tai sand dune toh racekuribole mon ase. Hoile bhi ketiya tai opor te pungchishe tate charta dingoes laga pack thakishe koishe.
Ekta dingoes para chokora ke hamla kurishe aro tai laga thang te kamuri dishe.
Local media para chokora laga naam toh Michael Schipanski ase koishe. Michael ke paramedics para treatment de kena osor laga hospital te urai kena loi jaishe.
Monday te Mark Schipanski koishe tai laga chokora dune te tai laga ama logote polai thakishe etu samay te dingoes para tai ke dekhishe. Aro tai ke kamuribole kedaishe.
Mark Queensland laga Courier Mail ke koishe etu jonguli kutha khan toh khun lagi thakishe.
Add Comment