Washington D.C.: Marvel laga ‘Avengers: Endgame’ footage online te leak hoise, aro film bona manu para fans logot te leak footage ke nasai kena rukhibole koise aro etu film ke sabole eman echa para rukhiya super hero laga fan khan ke alchi nakuri dibole koise.
Film laga release ake te, etu biya kura manu khan, aro heavy video clips aro screenshots, khan bhi milai kena social media te leak kurise aro directors Joe Russo aro Anthony Russo pora etu chamela laga kodha kuribole ulaise aro fans khan ke spoilers karne alert kuri dise, E! Online pora khobor dise.
“Etu ae. Khotom toh etu ase. Eleven sal laga kisim laga kidya bhi nahowa suru pora khotom tok laga kam khotom hoi ase,” Russo laga bhai para twitter te sare kuriya etu laga join statement te koise,. “Morom para etu jani bhi ki Endgame te sob logot te moijun bhi dhakise, aro lmoijun pora jowa teen sal pora loi kena Infinity Saga ke ektam kamiyab ani dibole karne ektam mon di kena kuri kena ahi ase,” Taijun pora aro koise. Tai khan pora Marvel fans aro viewers khan ke April 26 te release nakuriya tok etu film botnam nakukribole koise. “Ahiya mohina te Endgame dekha somoy te, please abni nijor ke botnam kuribole mon nadhaki kena bhi botnam kuriya nishina, dusra karne botnam nakuri dibe,” statement te likhi kena dhakise.
Directors pora etu statement shared kuriya sat, official Marvel superhero Twitter accounts laga bishi manu khan, Captain America, Black Panther aro Captain Marvel bhi milai kena statement share kurise, aro likhise ‘#DontSpoilTheEndgame’.
Etu message toh fans khan pora bowa nishina ase aro, hashtag etya social media te bishi behlai ase.
Add Comment