Siliguri: Saturday din West Bengal Chief Minister Mamata Banerjee para BJP logode kelaaf korikena kowah toh, BJP toh political faida gamabo nemide religion jolai kena kosish kori ase.
Banerjee para kowah toh, Bengal laga santi mosom deh BJP toh dekthar debole kosish kori ase. BJP toh religion laga naam para manu khan logode confuse kori ase. Elections agae deh tai khan toh dangor Bengal deh alag alag kori debole hatiyar jolai ase. Tai khan rally toh swords aro mace para loi ase”.
Banerjee para etu kotha toh Darjeeling deh election rally lowah time deh kowah laga ase.
Party’s Darjeeling Lok Sabha seat candidate Amar Singh Rai ke support korikena rally lowah deh Banerjee para kotha kowah time deh question kora toh, Swords para kon laga gola katibole kori ase? Mach para kon laga matha ke maribole kori ase?
Chief Minister Mamata Banerjee para kowah toh, West Bengal deh ami para NRC toh namanibo.
Tai para kowah toh, tai khan (BJP) Bengal deh NRC lobole koishe. Hoilebe ami para apuni logode ami khan laga state deh namanibole guarantee kori ase.
Banerjee para be BJP logode insult kora toh, state deh election fight koribo karni BJP toh state laga candidate lobole para nai aro tai khan Darjeeling seat deh fight koribo karni candidate toh Manipur para annishe.
Centre deh BJP toh power hobole naparibo koikena janaideya bechide tai (Banerjee) para kowah toh, besi state deh seats toh jitibole paribole nahoi West Bengal toh third sobse besi 42 Lpl Sabha seats ase aro 1st aro 2nd sobse besi seat thaga toh Uttar Pradesh’s 80 aro Maharashtra’s 48 ase.
Add Comment