NEW DELHI:Thursday te police koishe leopard para Buddhist monk ke muraishe. Etu ghatna toh monk meditate kora samay te hoishe. Monk toh jongol te jai kena meditate kuri thakishe. Etu moina bhitor te enika ghatna pach(five) bar hoishe.
Rahul Walke Bodhi toh Ramdegi jongol laga ghas(tree) niche te buhi thakishe. Ramdegi jongol toh western India te ase. Rahul toh tuesday fusur prathana nimiti ghas(tree) niche te buhi thakishe.
Maharashtra state police koishe Rahul toh bishi biya para jokom hoishe. Rahul laga umar toh 35years ase.
Rahul logote thaka dusra duita devotees police ke khobor koribole etu jaga para polaishe. Etu duita devotees toh Rahul logote meditate koribole ahi kena thakishe. Khobor pa pichote police para Rahul ke bisari bole suru kurishe.
Krisna Tiwari region laga senior police officer AFP ke koishe Rahul laga body toh tai meditate kura jaga para olop dur jaga te paishe. Body laga condition hesab te janwar para rahul laga body toh drag kori loi jabo le kosis kurishe.
Jongol toh state laga capital Mumbai para roughly 825 kilometres (510 miles) west te ase. Etu area toh dangor billy(big cats) bachabole laga reserve jongol bhitor te ahe. Etu moina bhitor te enika ghatna charbar hoishe.
Police koishe etu jaga laga monks khan saal(annual) prathana conference nimite warnings ignor kurishe. Local officials khan para jongol laga bishi bhitor jabole monks khan ke mana kurishe.
Etu ghatna toh Monday te huwa ghatna para alak ase. Shopkeeper Sandeep Arjun, tai laga dukan bahar te muri kena paishe. Sandeep laga dukan toh jongol para olop du rte thakishe.
Etu duita ghatna te bhi etu aki(same) leopard para manu khan ke muraishe. Etu khota toh etiya bhi clear huwa nai.
Officials koishe etu reserve osor te jua moina bhi teenta(three) manu murishe. Khobor pa hesab te leopards aro tigers para etu manu khan ke muraishe
Official estimates hesab te 12,000 para 14,000 leopards India te ase.
Urban expansion karne leopards laga numbers geraishe. Leopards number gera toh jongol laga habitats kom huwa nimite ase. Jongol kom huwa nimite janwar aro manu khan bishi osor hoi jaishe.
Government laga estimate hesab te 431 leopards 2017 te muraishe. Poachers para leopards laga hides aro body parts nimite bishi leopards muraishe.
Leopards para keman manu muraishe etu laga eku genti nai. Hoile bhi experts hesab te hodai saal janwar para ekso(hundreds) opor manu morai.
Add Comment