IMPHAL | February 10: Pura Manipura te February 9 te Citizenship (Amendment) Bill (CAB) logote khilaf protest korikena bazaar bondh thakise aro Prime Minister Narendra Modi aro aalag manu khan laga putla jolaise aro rasta khan bi bondh korise.
Khwairamband Market, duniya te sobse dangor maiki laga bazaar maaniye, laga dukan malik khan CAB hatabo laga protest ke monjur koriya dekhaibole dukan bondh korise.
Etu maiki dukan malik khan bazaar toh February 11 tak bondh rakhi bole maanise, tai khan laga leaders pora khobor manu khan ke koise.
“Etiya laga samoy te opposition aro ruling parties tweita bi dushmani chari kena, ekki logote CAB hataidibo karne khara koribo laage,” tai khan pora koise.
Prime Minister Narendra Modi, Union Home Minister Rajnath Singh aro Chief Minister N Biren Singh laga putla ke protesters khan pora Imphal West district laga Tera locality aro Thoubal district laga Yairipok te jui jolaise.
Imphal town laga Singjamei te National Highway-102 bondh koribole kosish koriya ke security forces pora rukhaidise.
Sob jakka, besi security forces thaki kena bi, protesters khan olop-olop korikena Imphal East district te aalag-aalag jakka te rasta bondh korise aro etu nimite gari laga traffic diktar hoise, officials pora koise.
Manipur People Against Citizenship Amendment Bill (MANPAC) alag Convenor, Phundreimayum Abdullah, pora demand korise ki National Register of Citizens (NRC) nisina kam toh state koriboole aro illegal immigrants ke thori kena wapas bothai dibo karne. Etu samoy te, Democratic Students Alliance of Manipur leader M Angamba pora ahiya Lok Sabha elections nalobo karne koise aro etu koise ki legislators khan etiya laga nisina dangor samoy te chup bohi ase.
Add Comment