London: Europa League te Arsenal striker Pierre-Emerick Aubameyang para Stade Rennes khilaf te duita goals marishe. Arsenal toh Stade Rennes khilaf te 3-0 para jeetishe. Thursday din te Chelsea Dynamo Kiev ke 5-0 para haraishe. Etu match te Oliver Giroud hat-trick mari dishe. Etiya Arsenal aro Chelsea laga etu jeet nimite tai khan Europa League laga quarter finals te pungchibole parishe.
Hoile bhi Europa League laga dusra match te Inter Milan toh Eintracht Frankfurt khilaf te 0-1 para harishe.
Arsenal toh Rennes khilaf te tai khan laga first leg match toh 3-1 para harishe. Hoile bhi Arsenla toh tai khan laga 2nd leg match toh 3-0 para jeeti kena Europa League laga quarter finals te pungchibole parishe. Arsenal aro Rennes khilaf te thaka 1st leg match toh France te hoishe.
Add Comment