Madrid: Zinedine Zidane para kosom dishe ke tai para etu gorom mousom (summer) aro etu season laga akhri egarota (11) te badlav anibo. Zidane koishe etu season para aha season laga squad te kun hissa thakibo etu janibole modot kuribole ase. Dubara Real Madrid laga coach huwa pichete Zidane laga sob para poila match toh Celta Vigo khilaf te hubole ase. Etu match toh Saturday te hubole ase. La Liga te Real Madrid etiya ekdam biya position te ase. Real Madrid etiya table te baro (12) points para first position te thaka Barcelona pichete ase aro fifth te thaka Alaves para dos (10) points para opor te ase.
Atletico toh Athletic Bilbao khilaf te away match khelibole ase aro Barcelona toh Real Betis khilaf te Sunday din te khelibole ase. Hoile bhi campaign khotom nohuwa agote kunba Madrid players khan toh tai khan laga futures nimite kheli ase. Zidane toh aha season te tai laga notun squad te kun thakibole etu opor te deri nohoi kena kotha kuribole ase.
Add Comment