Dhaka: Bangladesh Cricket Board (BCB) laga chief executive officer (CEO) koishe Bangladesh cricket team khan toh surakshit ase aro kun players khan bhi etu guli mara laga ghatna nimite jokom huwa nai. Etu ghatna toh Friday din te New Zealand city Christchurch te thaka duita mosque te hoishe.
Friday din te BCB laga CEO Nizamuddin Chowdhury para Reuters ke koishe ami khan New Zealand Cricket Council tea mi khan laga counter parts khan logote kotha kuri ase. Aro ami khan tai khan ke koishe kea mi khan laga team nimite security laga bhal bondobas kuri rakhibole koishe.
Bangladesh cricket team toh New Zealand tour nimite jai kena ase. Etu ghatna huwa samay te team toh mosques te prathana kuribole ahi thakishe.
Chowdhury koishe etu ghatna huwa pichete etu bar nimite team ke overseas tour para wapas mati lubo na nai. Etu opor te etiya tok eku bhi fasla noloi kena ase.Aro koishe ke Bangladesh toh New Zealand Cricket Council laga kotha hesab te he jabole ase.
Add Comment