WASHINGTON: Official koishe US Navy laga version F-35 stealth fighter jet toh larai nimite taiyar hoishe. Etu project toh pura kuri kena sob para expensive hatiyar laga development toh pura kuri kena aro dusra milestone pungchibole parishe.
Naval Air Forces laga commander Vice Admiral DeWolfe Miller statement te koishe F-35C toh operations nimite aro jeetibole taiyar hoishe.
Ami khan laga Carrier Strike Groups te ami khan ekdam bhal hatiyar laga system ahibole ase. Aro etu para joint forces laga capability toh aro ekdam bhal para enhances kuribole ase.
F-35 “C” variant toh navy khan para banaishe. Aro etu hatiyar toh aircraft carrier para take off aro land kuribole capable ase.
Ekdam dangor nao khan te aro bhi bishi rooms banabole paribole nimite tai laga wingtips toh fold kuribole pare.
August 2017 te Air Force para tai khan laga version laga initial operational capability toh announce kurishe . Etu toh F-35A thakishe.
Marine Corps khan para estimal kura F-35Btoh khata take-offs aro vertical landings kuribole capable ase. Aro jua saal Afghanistan te tai laga sob para poila combat missions nimite jaishe.
1990s ahgay te suru kura F-35 program toh US laga history te etu toh sob para kimti (expensive) hatiyar system thaka mane. Etu laga cost toh $400 billion genika ase. Aro aha laga saal khan te tai khan 2,500 aircraft banabole goal ase.
Add Comment