LaLiga, Spain laga football league, pora New Delhi te 13th pora 15th April 2019 tak Indian coaches khan nimite teen-din training workshop loise. India On Track (IOT) logote milaikena, pura desh laga 48 LaLiga Football Schools India coaches khan toh New Delhi te anise. Tai khan laga maksat toh tai khan ke LaLiga systems aro methodology dekhai kena tai khan laga knowledge othai dibo nimite ase.
Etu workshops toh LaLiga Football Schools Technical Director, Javier Cabrera, Spanish coordinators – Saul Vazquez, Regional Technical Head, West aro Jon Diaz de Cerio, Regional Technical Head, Kerala pora LaLiga Sports Coordinator, Juan Florit laga modot loikena loise. Etu training toh tai khan ke desh te footballers hobo mon jowa khan bhal koribo nimite theoretical aro practical bujai dibo laga maksat pora ase. Etu coaches khan toh LaLiga trainers khan logote buhikena kotha koribole moka paise aro tai khan pora powa experience toh grounds te julaibo aro LaLiga Football Schools laga students khan nimite training laga level othaidibo nimite ase.
LaLiga toh India te etu nisina programme lobole pohoila wala international league ase. LaLiga Football Schools toh India te 2018 te khulishe aro sitha 12,000 pora besi students aro coaches khan ke bi shikaise. IOT logote milikena, etu project toh etiya dangor hoikena India te 14 cities khan te 40 Centres laga students khan logote shikai ase. LaLiga Football Schools laga hisa nimite students khan laga summer training camps toh ‘Train the Trainer’ programme te buhiya coaches khan pora loi ase.
Add Comment